Lady Gaga dizajnon syzet me kamerë

Los Angeles, 10 janar - Lady Gaga ka dizajnuar syze dielli me kamerë të integruar.
Kompania “Polaroid”, në të cilën Gaga është dizajnere dhe menaxhere kreative, e ka prodhuar këtë shpikje të re e të pazakonshme të këngëtares së njohur.
Ylli i popit është sigurisht njëra nga femrat më të fotografuara në botë. Por, duket se asaj nuk i ka mjaftuar të qëndrojë para fotoaparateve, duke vendosur t’i prodhojë.
Ylli i popit ka 10 milionë fansa në “Facebook”, 6 milionë në “Twitter”, ndërsa rruga e saj drejt famës studiohet në Universitetin e Karolinës Jugore në kuadër të kursit “Lady Gaga dhe sociologjia e famës”.