Kalon në këmbë gjatësinë e lumit Amazon

Një britanik 34-vjeç njoftoi se është njeriu i parë që ka përshkuar me këmbë të gjithë gjatësinë e lumit të dytë me të gjatë në botë, Amazonës, pas një udhëtimi prej 6 500 kilometrash që zgjati më tepër se dy vjet.

"Misioni u krye", shkruan Ed Stafford, në faqen e internetit Twitter ku ai tregoi odisenë e tij hap pas hapi pasi mbërriti në grykëderdhjen e lumit më të madh në botë për nga prurjet ujore.

Ish-ushtaraku Stafford u nis më 2 prill të vitit 2008 nga burimi i Amazonës, në malin Nevado Mismi, në Peru, në drejtim të brigjeve braziliane. Gjatë udhëtimit të tij dy-vjeçar ai mbijetoi falë një regjimi ushqimor me bazë orizin, fasulet dhe peshkun.

Stafford tregoi se është pickuar nga mushkonjat rreth 50 000 herë dhe nga grerëzat qindra herë. Përveç këtyre ai është përballur me kafshimet e nepërkave ose të akrepave dhe me sulme të gjarpërinjve anakonda. Por nuk ka përfunduar me kaq, anglezi është akuzuar padrejtësisht dy herë dhe është burgosur si dhe ka qenë objektiv i shigjetave të indianëve.

uuu me mujt po