Mungesa e çokollatës rrezikon trurin e femrave

Mungesa e çokollatës rrezikon trurin e femrave



Mungesa e çokollatës rrezikon trurin e femrave, duke ulur aftësitë vizuale-hapësinore. Ky është rezultati i një kërkimi në “Flinders University” (Adelaide, Australi) drejtuar nga profesoresha Marika Tiggemann.
Ekipi ka përzgjedhur 96 studente të Universitetit Finders, ndarë pastaj në 2 grupe. Grupi i parë nuk ka marrë çokollatë për 24 orë, i dyti (grupi i kontrollit) nuk kishte kufizim të tillë, transmeton NOA.
Të dy grupet u testuan më pas lidhur me aftësitë vizuale-hapësinore: aftësitë e prezantimit, kujtesës vizuale, rinjohjes së formave gjeometrike, sintezës verbale, koordinimeve psikomotorike, përshtatshmërisë dhe orientimit në hapësirë etj.
Rezultatet e testeve treguan se aftësitë vizuale-hapësinore të grupit të parë (ku ishte shmangur çokollata) ishin ulur ndjeshëm nga ato të grupit të dytë.
Sipas shkencëtarëve, kjo vjen ngaqë dëshira e fortë për çokollatë (dhe oreksi i fortë në përgjithësi) konkurrojnë me aftësitë vizuale-hapësinore, duke larguar burimet e tyre dhe energjinë mendore. Me fjalë të tjera, thotë Profesor Tiggemann, kujtesa e trurit vuan të njëjtin fat si RAM-i i një kompjuteri me shumë softuer aktivë njëherazi.